Me pankartat në duar ku shkruhet “Poshtë qeveria!”, qytetarët po marshojnë nga Ministria e Brendshme drejt Kryeministrisë. Ata kërkojnë dorëheqjen e kreut të qeverisë Rama, Ministrit të Brendshëm Bledi Çuçi dhe drejtorit të AMP-së Ardi Veliu.
Në nisje të tubimit qytetarët e revoltuar hodhën domate ndaj godinës së ministrisë dhe pasi tentuan të thyejnë kordonin policor hodhën miell ndaj efektivëve.
Ata u shprehën se kjo qeveri është më keq se e Iranit dhe bënë thirrje që të gjithë të ngrihen për të kërkuar drejtësi për vdekjen e Lear Kurtit.
“Regjimi këtu është si në Iran, për vrasjen e asaj Aminit bënë reagim ndërsa ktu policia e vrau me dorën e tij dhe nuk ngrihet askush.
Ardi Veliu i ka fajet. Sa herë ka rol drejtues ai ndodhin këto gjëra, nuk durohet te fëmija, unë jam vetë prind dhe nuk kam çfarë të bëj. Ne duam drejtësi”.